Azərbaycan yığma komandası FİFA reytinqində bir pillə irəliləyib
Futbol üzrə milli komandaların yeni FİFA reytinqi açıqlanıb.
Mediasport.az xəbər verir ki, Azərbaycan yığma komandası bir pillə irəliləyib.
Canni De Byazinin baş məşqçisi olduğu kollektiv aktivindəki 1155.91 xalla 120-ci sırada qərarlaşıb.
Yığmamız son olaraq AVRO-2024-ün seçmə mərhələsi şərçivəsində səfərdə Estoniyaya qalib gəlib (2:0). Evdə isə Avstriya millisinə məğlub olub - 0:1.
AVRO-2024-ün seçmə qrup rəqiblərimizdən Belçika (1793,1) 5-ci, İsveç (1545,76) 23-cü, Avstriya (1535,41) 25-ci, Estoniya (1159,33) isə 118-ci yerdədir.
Son dünya çempionu Argentina 1861,29 xalla liderdir. Fransa (1853,11) ikinci, Braziliya (1812.2) üçüncüdür. Türkiyə yığması isə 1498,5 xalla 38-ci mövqedə qərarlaşıb.
