"Kocaelispor" Ramil Şeydayevin transferini belə AÇIQLADI - FOTO
Türkiyənin 1-ci Liqa klubu "Kocaelispor" sosial şəbəkə hesabında Ramil Şeydayevin keçidi ilə bağlı paylaşım edib.
Mediasport.az xəbər verir ki, paylaşımda Azərbaycan bayrağı və hava limanı fonunda nümayiş etdirilən çemodanın üzərində xəritəmiz yer alıb.
Daha sonra boynunda komandanın bayrağı olan Şeydayevin klubun bazasından fotosu paylaşılıb.
Milli futbolçumuz Türkiyə təmsilçisi ilə 1.5 illik müqavilə bağlayacaq.
28 yaşlı forvard yeni klubunun məşqində də iştirak edib. Onun çempionatın növbəti turunda “Eyüpspor”la matçda debütü gözlənilir.
Kocaeli təmsilçisi liqada 33 xalla turnir cədvəlinin üçüncü pilləsində qərarlaşıb.
