Azərbaycan yığması Rusiyada dünya çempionatının qalibi olub
Azərbaycan yığması Rusiyanın paytaxtı Moskva şəhərində təşkil edilən güc idman növləri üzrə dünya çempionatının qalibi olub.
Mediasport.az xəbər verir ki, 8 ölkə arasında keçirilən və ümumilikdə 400 idmançının iştirak etdiyi çempionatda Azərbaycanı 4 idmançı təmsil edib.
Tural Orucov (100 kiloqram) üç fərqli növ (WPC/AWPC/WPSO versiyaları) üzrə 2 qızıl və 1 bürünc medal qazanıb.
Camal Əhmədzadə (110 kiloqram) kəmər və qızıl medala yiyələnib.
Sadiq Musayev isə 82 kiloqram çəki dərəcəsində iki fərqli növ üzrə birinci və üçüncü yerlərə layiq görülüb.
