Avroliqa Azərbaycanda ilk dəfə yayımlanacaq - "İdman TV"dən İLK
Azərbaycan televiziya tarixində bir ilk gerçəkləşəcək.
Mediasport.az xəbər verir ki, “İdman TV” kanalı basketbol üzrə Avroliqa turnirini yayımlayacaq.
Dövlət kanalı ölkəmizdə basketbol üzrə Avroliqa turnirinin eksklüziv yayım hüququna yiyələnib.
Bu həftədən etibarən basketbol azarkeşləri Avropanın ən nüfuzlu turnirini izləyə biləcəklər.
Hər tur istənilən sayda oyunun yayımlanması hüququ var. Proqrama uyğun olaraq telekanal maksimum sayda oyunları canlı yayımlamağa çalışacaq.
Xatırladaq ki, bu vaxta qədər bu mötəbər turnir Azərbaycan televiziya məkanında olmayıb.
Avroliqa. 12-ci tur
28.11.2024
22:00 "Jalgiris" (Kaunas, Litva) - "Baskoniya" (İspaniya)
23:45 "Barselona" (İspaniya) - "Real" (Madrid, İspaniya)
29.11.2024
21:45 "Fənərbağça" (Türkiyə) - "Olimpiya Milan" (İtaliya)
