Dünya çempionatı: Azərbaycan millisi İsveçrə yığmasına qarşı
Bu axşam kişi basketbolçulardan ibarət Azərbaycan millisi dünya çempionatının seçmə mərhələlərində debüt edəcək.
Mediasport.az xəbər verir ki, I qrupunda mübarizə aparacaq komandamız səfərdə İsveçrə yığması ilə qarşılaşacaq.
Görüş Bakı vaxtilə saat 22:00-da başlanacaq. Qrupun digər duelində Kosovo İrlandiya basketbolçularını sınağa çəkəcək.
Tahir Baxşıyevin baş məşqçisi olduğu millimiz fevralın 25-də Bakıda Kosovo seçməsi ilə üz-üzə gələcək.
Azərbaycan millisinin heyəti belədir:
Zaur Paşayev, Kamran Məmmədov, Orxan Aydın, Ercan Donat, Ulaş Turqut, Sadettin Donat, Elşad Şirzadov, Endar Poladxanlı, Zak Leday, Əkbər Məmmədov, Amil Həmzəyev, Şirzad Şirzadov.
