Heydər Əliyevin 100 illiyinə həsr olunan beynəlxalq turnir keçiriləcək
Azərbaycan Minifutbol Federasiyasının(AMF) dəstəyi ilə may ayının 1-dən 6-dək Bakıda beynəlxalq turnir keçiriləcək.
mediasport.az xəbər verir ki, Ulu öndər Heydər Əliyevin 100 illiyinə həsr olunan beynəlxalq turnir may ayının 1-də start götürəcək.
Turnirdə Azərbaycanla yanaşı, Çexiya, Cənubi Afrika Respublikası, Fransa, Gürcüstan, İtaliya, Qazaxıstan, Serbiya, Türkiyə və Ukrayna milliləri iştirak edəcəklər. Yarışın qalibi may ayının 6-da müəyyənləşəcək.
Bakı Tennis Akademiyasında keçiriləcək oyunları beynəlxalq dərəcəli yerli və əcnəbi hakimlər idarə edəcəklər.
