Azərbaycan çempionatı yekunlaşdı
Fövqəladə Hallar Nazirliyinin İdman Sağlamlıq Mərkəzində keçirilən karate üzrə yeniyetmə və gənclər arasında 29-cu ölkə birinciliyi, böyüklər və parakarateçilər arasında 32-ci Azərbaycan çempionatına yekun vurulub.
Mediasport.az xəbər verir ki, tədbirin açılış mərasimində əvvəlcə karateçilərin paradı olub.
Azərbaycan Dövlət Himni səsləndirildikdən sonra Ümummilli Lider Heydər Əliyev və Vətən uğrunda canlarından keçmiş şəhidlərin xatirəsi bir dəqiqəlik sükutla yad edilib.
Azərbaycan Karate Federasiyasının prezidenti Ülvi Quliyev yarışda 50 klub və müxtəlif regionlardan idmançıların iştirak etdiyini vurğulayıb. O, qalib xalqın gənclərinə sadəcə idmanda deyil, bütün sahələrdə uğurlar arzulayıb. Quliyev Azərbaycan karateçilərinin həmişə olduğu kimi, gələcəkdə də bayrağımızı beynəlxalq arenalarda daim yüksəklərə qaldıracağına inandığını söyləyib. Federasiya rəhbəri ölkəmizdə karatenin kütləviliyinin artırılması və perspektivli idmançıların müəyyənləşdirilməsi baxımından belə turnirlərin əhəmiyyətini də qeyd edib.
Gənclər və İdman Nazirliyinin İdman şöbəsinin müdiri Elnur Məmmədov isə Azərbaycanın bütün dünyada idman ölkəsi kimi tanındığını diqqətə çatdırıb. Azərbaycan Karate Federasiyasının ildən-ilə inkişaf etdiyini deyən nazirlik rəsmisi bu idman növü üzrə əldə edilən uğurlardan bəhs edib.
Təntənəli açılış mərasimindən sonra AKF-in prezidenti Quliyev, Gənclər və İdman Nazirliyinin İdman şöbəsinin müdiri Məmmədov, Milli Olimpiya və Paralimpiya Komitələrinin əməkdaşları bir neçə kateqoriyada qalib olmuş karateçiləri təltif edib.
Son yarış günü isə yeniyetmə, gənc və böyüklərin gərgin mübarizəsi ilə yadda qalıb. Çempionat və birinciliyin qalib mükafatçıları diplom və medallarla təltif ediliblər.
4 günün nəticələrinə əsasən, "Təhsil” RİM birinci, "Qaraqaplan” İK ikinci, “Qara Brilyant” İK isə medalların sayına görə üçüncü yeri tutub.
Qeyd edək ki, Azərbaycan çempionatında fərqlənən idmançılar milli komandanın heyətində hazırlıqlara cəlb olunacaqlar.
Yeniyetmələr, 14-15 yaş, 29-cu ölkə birinciliyinin qalibləri
Oğlanlar
52 kq. Vüsal Qəmbərov (Qara Brilyant İK)
57 kq. Əliəşrəf Qafarov (Qaraqaplan İK)
63 kq. Saleh Qasımzadə (Qaraqaplan İK)
70 kq. Murad Dinç (Jaguar İdman Klubu)
+70kq. Raul Səfərəliyev (Mərkəzi Karate Məktəbi)
Kata: Aliksey Lapayev (Arpaçay Karate Klubu)
Qızlar
47 kq. Miranə Zeynalova (Qara Brilliant İK)
54 kq. Məlahət Məmmədova (Qaraqaplan İK)
61 kq. Aytac Hacızadə (Təhsil RİM)
+61 kq. Aliya Məmmədova (Gəncə AKF)
Kata: Şəlalə Rüstəmova (Qaraqaplan İK)
Gənclər, 16-17 yaş, 29-cu ölkə birinciliyinin qalibləri
Oğlanlar
55 kq. Əli Səfərov (FHN İSM)
61 kq. Rauf İmanov (Şotokan Karate-do İB)
68 kq. Ələddin Məlikov (Təhsil RİM)
76 kq. Ayxan Ağamirzəyev (Qara Brilliant İK)
+76 kq. Rahib Əzim (Təhsil RİM)
Kata: Salman Salmanov (Mərkəzi Karate Məktəbi)
Qızlar
48 kq. Sunay Kazımlı (Qaraqaplan İK)
53 kq. Fatma Hacıyeva (FHN İSK)
59 kq. Gülay Orucova (Birlik Karate Klubu)
66 kq. Cansu Əhmədzadə (Qarabağ Karate Klubu)
+66 kq. Ramilə Heydərova (Təhsil RİM)
Gənclər, 18-20 yaş, 29-cu ölkə birinciliyinin qalibləri
Oğlanlar
60 kq. Fərid Savadov (Təshil RİM)
67 kq. Aslan Dostuyev (Təhsil RİM)
75 kq. Xudaş Ağayev (Təhsil RİM)
84 kq. Nihat Kərimzadə (FHN İSM)
+84 kq. Vahid Həsənov (Fudokan Mərkəz)
Kata: Salman Salmanov (Mərkəzi Karate Məktəbi)
Qızlar
50 kq. Fatimə Cəbrayılova (Təhsil RİM)
55 kq. İlahə Məmmədova (Arpaçay KK)
61 kq. Oksana Nakoneçna (Arpaçay KK)
68 kq. Aysu Əliyeva (Qaraqaplan İK)
+68 kq. Fatimə Bədəlova (Gəncə AKF)
Kata: Ramilə Heydərova (Təhsil RİM)
Böyüklər, 32-ci ölkə çempionatının qalibləri
Kişilər
60 kq. Fərid Savadov (Təhsil RİM)
67 kq. Hüseyn Məmmədli (Şotokan Karate-do İB)
75 kq. Rəşid Süleymanov (Təhsil RİM)
84 kq. Turqut Həsənov (Mərkəzi Karate Məktəbi)
+84 kq. Vahid Həsənov (Fudokan Mərkəz)
Kata: Roman Heydərov (Arpaçay Karate Klubu)
Qadınlar
50 kq. Fidan Teymurova (Qaraqaplan İK)
55 kq. Mədinə Sadıqova (Qaraqaplan İK)
61 kq. Aysu Əliyeva (Qaraqaplan İK)
68 kq. Aysel Qasımova (Qara Brilliant İK)
+68 kq. Fatimə Bədəlova (Gəncə AKF)
Kata: Ramilə Heydərova (Təhsil RİM)
Parakarate, 16 yaşdan yuxarı
Kişilər
Gözdən zəiflər (K10)
Nihat Məmmədzadə (Parakarate Komitəsi)
Qadınlar
Gözdən zəiflər (K10)
Emiliya Mitlinova (Parakarate Komitəsi)
Kişilər
Əlil arabası (K30)
Vidadi Xalıqov (Parakarate Komitəsi)
