"Qarabağ" heyətini Milan "İnter"inin sabiq üzvü ilə gücləndirmək istəyir
Belçikanın "La Luviye" klubunun hücumçusu Mohamed Belkeyr karyerasını Azərbaycanda davam etdirə bilər.
Mediasport.az xəbər verir ki, Əlcəzair səilli fransalı forvardı "Qarabağ" transfer etmək istəyir.
Bu barədə "sportitalia.it" saytı məlumat yayıb.
25 yaşlı forvardla Azərbaycan çempionu ilə yanaşı, Türkiyədən "Sivasspor" və "Antalayaspor", Belçikadan "Sent Trüyden" maraqlanır.
İtaliyanın "Verona" klubunun yetirməsi 2016-2018-ci illərdə Milan "İnter"inin U-19 komandasında forma geyinib.
Belkeyr müqavilə ilə Niderlandın "Fortuna Sittard" klubuna məxsusdur.
Belçikə 1-ci Liqa klubunun heyətində bu ilin yayında icarə əsasında çıxış edir.
O, cari mövsüm 14 rəsmi oyunda 9 qol, 1 assistlə yadda qalıb.
