İbrahim Yusubov Dünya Seriyasında gümüş medal qazanıb
![İbrahim Yusubov Dünya Seriyasında gümüş medal qazanıb](https://mediasport.az/uploads/images/202407/image_750x_668430105c690.jpg)
Azərbaycan idmançısı Fransada keçirilən çimərlik güləşi üzrə Dünya Seriyasının növbəti mərhələsində gümüş medal qazanıb.
Mediasport.az xəbər verir ki, İbrahim Yusubov finalda qrupda məğlub etdiyi moldovalı Trayan Kapatinya uduzaraq 2-ci yeri tutub.
Ramiz Həsənov (80 kq) A qrupunda yunanıstanlı Xristos Xristoforidisi sonuncu xal prinsipinə əsasən üstələyib (1:1), fransalı Huqo Kuenoya 0:3 hesabı ilə məğlub olaraq medalsız qalıb.
İlk dəfə çimərlik yarışında iştirak edən Rəşid Babazadənin də debütü uğurlu alınmayıb. O, B qrupunda amerikalı Castin Benjaminə (3:0) qalib gəlsə də, ukraynalı İvan Semyonovla (1:4) fransalı Kuentin Stikerə (2:3) uduzub.
Dünya Seriyasının növbəti mərhələsi iyulun 20-21-də Rumıniyada keçiriləcək.