Karateçimiz Antalyada Premyer Liqanı bürünc medalla başa vurub
Azərbaycan karateçisi Turqut Həsənov Türkiyənin Antalya şəhərində keçirilən Premyer Liqa yarışında bürünc medal qazanıb.
Mediasport.az xəbər verir ki, 84 kiloqram çəki dərəcəsində mübarizə aparan yığmamızın üzvü bu uğuru kumite proqramında əldə edib.
Ölkəmiz yarışda 8 idmançı ilə təmsil olunub.
Komandamız turnirə məşqçilər Şahin Xudaverdiyev və Şahin Atamovun rəhbərliyi ilə yollanıblar.
