Milli komandamızın baş məşqçisi dekabrın 27-də təqdim ediləcək
Azərbaycan Voleybol Federasiyasının (AVF) 2023-cü ildəki fəaliyyətinə həsr olunmuş mətbuat konfransı keçiriləcək.
AVF-dən Mediasport.az saytına verilən məlumata görə, tədbir dekabrın 27-də saat 09:00-da "Excelsior Otel"də təşkil olunacaq.
Konfransda AVF-nin prezidenti Şahin Bağırov, vitse-prezidentlər Faiq Qarayev və Bəhruz Quliyev, baş katib Faiq Orucov, İdarə Heyətinin üzvləri və media nümayəndələri iştirak edəcəklər.
Mətbuat konfransının gündəliyinə milli komandanın baş məşqçisinin təqdimatı və 2023-cü ilin hesabatı daxildir.
