Millimizin keçmiş futbolçuları məşqçilik kurslarına başlayıblar
AFFA-nın təşkilatçılığı ilə AFFA-nın Təhsil və Reabilitasiya mərkəzində UEFA B kursunun I mərhələsi başlayıb.
Mediasport.az xəbər verir ki, fevralın 8-dək davam edəcək məşğələlər AFFA Təhsil proqramının rəhbəri Aslan Kərimov və təlimatçı Osman Rəhimovun iştirakı ilə keçirilir.
UEFA B kursunun II modulu 4-7 mart tarixlərində keçiriləcək.
Kursda Azərbaycan millisinin keçmiş futbolçuları Elvin Məmmədov və Vüqar Nadirov, həmçinin, "Səbail"in baş məşqçisi Şahin Diniyevin Bayıl klubunda köməkçisi olan oğlu Kərim Diniyev və 1-ci Liqa təmsilçisi "İmişli"nin məşqçisi Ruhid Usubov da iştirak edirlər.
