Tarixində ilk dəfə yarışda iştirak edən komandamızdan qələbə
Tatarıstanın paytaxtı Kazanda İslam ölkələri arasında “Orxis Cup” ikinci beynəlxalq hokkey turniri start götürüb.
Mediasport.az xəbər verir ki, 5 gün davam edəcək yarışda Azərbaycan, Türkiyə, Qazaxıstan, Pakistan, Monqolustan, İran, Livan, Bəhreyn, Tatarıstan və Qırğızıstanın komandaları təmsil olunurlar.
Azərbaycanın “Baku Flames” komandası ilk olaraq Bəhreyn kollektivi ilə qarşılaşıb. Oyun komandamızın 8:3 hesablı qələbəsilə başa çatıb.
Qeyd edək ki, Azərbaycanın hokkey komandası tarixində ilk dəfə beynəlxalq turnirdə iştirak edir.
