"Neftçi"nin yeni transferi Azərbaycanda bu qədər maaş alacaq
“Neftçi” daha bir transferini rəsmiləşdirib.
Paytaxt klubu macarıstanlı Mark Tamaşla 2 illik müqavilə bağlayıb. 29 yaşlı mərkəz müdafiəçisi 4 nömrəli formanı geyinəcək.
Tamaş Macarıstanın “Videoton” (2012-2013), “Puşkaş Akademiya” (2013-2015), “Dioşqyör” (2015-2020), Polşanın “Şlask” (2020-2022) və Rumıniyanın “Sepsi” (2022-2023) klublarında çıxış edib. Macarıstan milli komandasının heyətində 1 oyun keçirən futbolçu bu il “Sepsi” ilə Rumıniya Kuboku və Superkubokunu qazanıb.
MediaSport.az saytının əldə etdiyi məlumata görə, "ağ-qaralar" onunla illik 450 min dollarlıq müqaviləyə sıxışıblar.
