"Qarabağ" Azərbaycanı UEFA reytinqində 1 pillə irəli çəkdi
Azərbaycan UEFA reytinqində bir pillə irəliləyib.
Mediasport.az xəbər verir ki, "Qarabağ"ın ötən gün UEFA Avropa Liqasının əsas mərhələsinin Norveçdə "Budö Qlimt"lə 4-cü tur qarşılaşmasında qazandığı 2:1 hesablı qələbə ölkənin əmsalını artırıb.
Bir pillə irəliləyərək 27-ci yerə yüksələn Azərbaycanın əmsalı 19,625-ə bərabərdir.
Reytinq cədvəlində 26-cı pillədə Rumıniya (20.125) qərarlaşıb.
55 ölkənin yer aldığı reytinq siyahısına 95,160 xalla İngiltərə başçılıq edir.
