Azərbaycan milli komandasının yeni baş məşqçisi müəyyənləşdi
Qadın taekvondoçulardan ibarət Azərbaycan milli komandasının baş məşqçisi Park Sun-Mi istefaya göndərilib.
Mediasport.az saytına verilən məlumata görə, yığmamızın cənubi koreyalı mütəxəssisin rəhbərliyi altında qeydə alınan nəticələri federasiya rəhbərliyini razı salmayıb.
Asiyalı məşqçinin yerinə təyinat da reallaşıb. Millimizi Azərbaycanın veteran taekvondoçusu Fəridə Əzizova çalışdıracaq.
İslam Həmrəylik Oyunlarının qalibi, dünya və Avropa çempionatlarının bürünc, Birinci Avropa Oyunlarının gümüş mükafatçısının təyinatı yaxın vaxtlarda rəsmən elan olunacaq.
