Qubada minifutbol turniri keçirildi
"İdman Paytaxtı" Quba şəhərində veteranlar arasında Dünya Azərbaycanlılarının Həmrəyliyi Gününə həsr olunmuş minifutbol turniri keçirilib.
Mediasport.az xəbər verir ki, Gənclər və İdman Nazirliyinin dəstəyi ilə, Futbol Veteranları İctimai Birliyinin təşkil etdiyi turnirdə 8 komanda yarışıb
Turnirdə Azərbaycan milli komandasının, həvəskarlar liqasının, “Neftçi”, “Sumqayıt” komandalarının, eləcə də, Quba, Qusar, Şabran və Xaçmaz rayonlarının futbol veteranları mübarizə aparıblar.
Yarışın finalında veteran futbolçulardan ibarət Azərbaycan milli komandası və “Sumqayıt” komandası qarşılaşıblar.
Görüş “Sumqayıt”ın qələbəsi ilə yekunlaşıb - 1:0.
Üçüncü yer uğrunda matçda isə “Qusar” komandası “Quba”ya qalib gəlib.
