Əfsanəvi Ronaldo federasiya prezidentliyinə namizəd oldu
Dünya futbolunun canlı əfsanəsi Ronaldo Nazario Braziliya Futbol Federasiyasının prezidenti postuna namizədliyini irəli sürüb.
Mediasport.az xəbər verir ki, ikiqat dünya çempionu seçiləcəyi təqdirdə platformasını da müəyyənləşdirib.
Sabiq PSV, "Barselona", "İnter", "Real" və "Milan"lı forvard yüzlərlə motivasiya mənbəyinin olduğunu qeyd edib.
"Yekədiş" əsas hədəfinin Braziliya futbolunun dünya miqyasındakı nüfuzunu geri qaytarmaq olduğunu açıqlayıb.
Xatırladaq ki, Ronaldo 1994 və 2002-ci illər mundiallarında dünya çempionu olub.
"Qızıl top" mükafatının ikiqat və "Qızıl buts" mükafatının qalibi iki dəfə də DÇ-nin gümüş medalını əldə edib.
FİFA-da 3 dəfə (1996, 1997, 2002) ilin futbolçusu seçilib.
