"Qarabağ" "Sumqayıt"a 5 qol vurub APL-də liderliyini geri qaytardı
Futbol üzrə Azərbaycan Premyer Liqasında 17-ci tura yekun vurulub.
Mediasport.az xəbər verir ki, son oyun günündə bir matç keçirilib.
Son çempion "Qarabağ" "Sumqayıt"ı Tofiq Bəhramov adına Respublika stadionunda sınağa çəkib.
Qurban Qurbanovun komandası darmadağınla liderliyini "Araz-Naxçıvan"dan geri alıb.
Turun əvvəlki görüşlərində "Şamaxı" "Səbail"lə, "Zirə" Turan Tovuz"la bərabərə qalıb (0:0), "Sabah" "Araz-Naxçıvan"a qalib gəlib (1:0), "Nfetçi" "Kəpəz"i məğlub edib (2:1).
Azərbaycan Premyer Liqası. 17-ci tur
“Qarabağ” - “Sumqayıt” 5:0
Qollar: Musa Qurbanlı, 7, 33, Nəriman Axundzadə, 45+1, Redon Cica, 76, Toral Bayramov, 90+3.
Hakimlər: Tural Qurbanov, Rəhman İmami, Asiman Əzizli, Əkbər Əhmədov
VAR: Kamal Umudlu
AVAR: Cəmil Quliyev
Hakim-inspektor: Babək Quliyev
AFFA nümayəndəsi: Zümrüd Ağayeva
Tofiq Bəhramov adına Respublika Stadionu. Saat 19:00
