Şəhid Nazir Xurşudovun oğlu Azərbaycan çempionu oldu
Azərbaycan Kapoeyra Federasiyasının 15 illiyinə həsr olunmuş kapoeyra üzrə respublika birinciliyi başa çatıb.
mediasport.az xəbər verir ki, Azərbaycan Kapoeyra Federasiyası və Gənclər və İdman Nazirliyinin birgə təşkil etdiyi yarışlarda müxtəlif klublardan 200-ə yaxın yeniyetmə bacarıqlarını nümayiş etdirib.
13-15 yaşlı idmançıların birinciliyində Şahin Xurşudov bütün rəqiblərindən üstün olaraq Azərbaycan çempionu adına layiq görülüb. Gənc çempionumuz 44 günlük Vətən müharibəsində qəhrəmancasına döyüşərək şəhid olmuş kiçik çavuş Nazir Xurşudovun oğludur.
Şahin Xurşudov kapoeyra idman növü ilə ilk dəfə 2021-ci ildə şəhid övladları üçün təşkil edilmiş “Qaliblər düşərgəsi”ndə məşğul olmağa başlayıb.
