Atdan yıxılan qapıçı kəllə-beyin travması alıb, həyati təhlükəsi var
İcarə əsasında "Malyorka"da çıxış edən PSJ-nin qapıçısı Serxio Riko kəllə-beyin travması alıb.
mediasport.az xəbər verir ki, istirahət zamanı atdan yıxılan ispan qolkiperin durumu orta-ağır qiymətləndirilir.
30 yaşlı əlcək sahibi dərhal helikopterlə xəstəxanaya çatdırılsa da, həkimlər onun vəziyyətinin həyati təhlükəli olduğunu bildiriblər.
2019-cu ildə "Fulhem"dən Paris klubuna transfer edilən Riko ötən ildən vətənində forma geyinir.
