Gimnastlarımız Yunanıstanda baş tutan turnirdə 5 medal qazandılar
Yunanıstanda keçirilən qadın idman gimnastikası üzrə "Horizon Cup" turnirində millimizin üzvləri 5 medal qazanıblar.
Mediasport.az xəbər verir ki, Dəniz Əliyeva (dayaqlı tullanma, müxtəlif hündürlüklü qollar) və Leyla Əhmədzadə (müxtəlif hündürlüklü qollar) qızıl medala sahib çıxıblar.
Albina Alieva 2 medalla mükafatlandırılıb. O, dayanaqlı tullanma üzrə ikinci, müxtəlif hündürlüklü qollar üzrə mübarizədə üçüncü olub. Aytən Məmmədova isə Saloniki şəhərindəki beynəlxalq yarışı bürünc medalla (müxtəlif hündürlüklü qollar) başa vurub.
