Azərbaycanın 4-qat dünya çempionu: “Bu, son deyil"
![Azərbaycanın 4-qat dünya çempionu: “Bu, son deyil"](https://mediasport.az/uploads/images/202405/image_750x_6651edbc39056.jpg)
"Mənə dəstək olanlara minnətdarlığımı bildirirəm. Dördqat dünya çempionu olmaq qürurverici hissdir”.
Mediasport.az xəbər verir ki, bu sözləri Yaponiyanın Kobe şəhərində keçirilən dünya çempionatında növbəti dəfə qızıl medal qazanan Azərbaycan para-atleti Lamiyə Vəliyeva deyib.
T13 kateqoriyasında 400 metr məsafəyə qaçışda da fəxri kürsünün ən yüksək pilləsinə qalxan 22 yaşlı idmançı yarışa çox ciddi hazırlaşdığını bildirib:
“Bu, son deyil. Parisdəki Paralimpiya Oyunlarına daha ciddi hazırlaşacağam. Orada da Vətənimi layiqincə təmsil edəcəyəm".
Qeyd edək ki, 4-qat dünya çempionumuz yarışın ilk günündə 100 metr məsafəyə qaçış üzrə qızıl medal qazanıb.