"Turan Tovuz" və "Sabah"ın futbolçuları "Mingəçevir"ə keçdi
1-ci Liqada yarışan “Mingəçevir" futbol klubunun yeni baş məşqçisi Füzuli Məmmədov heyətdə "təmizləmə əməliyyatı"na start verib.
Mediasport.az xəbər verir ki, bölgə təmsilçisi 6 futbolçu ilə yollarını ayırıb, heyətə yeni oyunçular cəlb edib.
Nizami Səmədov, Elvin Əsgərov, İlkin Əliyev, Rüstəm Quluzadə, Tural Məmmədzadə və Fuad Əhmədovla müqavilələrə qarşılıqlı razılıq əsasında xitam verilib.
"Sabah"ın qapıçısı Emil Həbibov, "Turan Tovuz"un futbolçuları Murad Dadaşev, Rəşad Əliyev və Elçin Qasımov, həmçinin ötən mövsüm komandada oynamış Hüseyn Əliyev yenidən "Mingəçevir"in formasını geyinəcək.
