Klubun sahibi "Qarabağ"la matç haqda: "Bizi əzdilər, məhv etdilər"
UEFA Avropa Liqasının əsas mərhələsində "Qarabağ"a 3:2 hesabı ilə qalib gələn Rumıniyanın FKSB klubunun sahibi Cici Bekali Bakıdakı görüş haqda fikirlərini bölüşüb.
Mediasport.az xəbər verir ki, Buxarest təmsilçisinin prezidenti "Euro Football" verlişinin canlı bağlantısına qoşulub.
Funksioner "Qarabağ" onlardan çox üstün oynadığını bildirib:
"Qarabağ" oyunda həyatımda görmədiyim kimi dominantlıq edirdi. Bizi əzdilər, məhv etdilər. Bilmirəm, futbol tarixində əvvəllər belə olubmu: 3 künc zərbəsi, 3 qol. Bu, Tanrının əli idi.
Amma bu əzmkarlığı təqdir etmək lazımdır. Qalib gəldiyimizə inana bilmirəm. Həyatımda ilk dəfədir ki, belə bir şey görürəm.
Rəqib topa sahib idi. Biz də yaxşı müdafiə olunduq. Ancaq bu matçla öyünə bilmərik. Yalnız nəticə və mübarizə ilə öyünmək olar".
