UEFA-nın yeni reytinqi açıqlandı: "Qarabağ" sırlamada gerilədi
Çempionlar Liqası və Avropa Liqasında əsas mərhələnin növbəti matçlarından sonra klubların UEFA sıralamasında yeni reytinqi açıqlanıb.
Mediasport.az xəbər verir ki, qeydə alınan nəticələr siyahıda dəyişikliklərə səbəb olub.
Bakıda Rumıniyanın FKSB klubuna məğlub olan (2:3) Azərbaycan çempionu “Qarabağ”ın da mövqeyi dəyişib.
Qurban Qurbanovun komandası 32.000 xalla 65-ci yerə düşüb. Təmsilçimiz ötən siyahıda 63-64-cü yerləri bölüşürdü.
“Neftçi” 8,000 xalla 181-ci yerə şərikdir. “Zirə”, “Sabah”, “Sumqayıt” 4,000 xalla 310-cu, “Qəbələ” və “Şamaxı” 3,925 xalla 323-cü yeri bölüşənlər arasındadır.
Reytinqə 135,000 xala malik “Mançester Siti” başçılıq edir.
