Qrup mərhələsinin püşkü atıldı - UEFA ÇEMPİONLAR LİQASI
UEFA Çempionlar Liqasında 2023/2024-cü illər mövsümünün qrup mərhələsinin püşkü atılıb.
Mediasport.az xəbər verir ki, Monakoda keçirilən tədbir Bakı vaxtı ilə saat 20:00-da başlanıb.
Püşkatma öncəsi iştirakçı komandalar səbətlərə bölünüblər. Türkiyənin yeganə təmsilçisi "Qalatasaray" sonuncu - 4-cü səbətdə yer alıb.
Qrup mərhələsinin qarşılaşmaları 19-20 sentyabr, 3-4 oktyabr, 24-25 oktyabr, 7-8 noyabr, 28-29 noyabr və 12-13 dekabrda keçiriləcək.
Çempionlar Liqası. Qrup mərhələsi
A qrupu: “Bavariya” (Almaniya), “Mançester Yunayted” (İngiltərə), “Kopenhagen” (Danimarka), “Qalatasaray” (Türkiyə).
B qrupu: “Sevilya” (İspaniya), “Arsenal” (İngiltərə), PSV (Niderland), “Lans” (Fransa).
C qrupu: “Napoli” (İtaliya), “Real” (İspaniya), “Braqa” (Portuqaliya), “Yunion” (Almaniya).
D qrupu: “Benfika” (Portuqaliya), “İnter” (İtaliya), “Zalsburq” (Avstriya), “Real Sosyedad” (İspaniya).
E qrupu: “Feyenoord” (Niderland), “Atletiko” (İspaniya), “Latsio” (İtaliya), “Seltik” (Şotlandiya).
F qrupu: PSJ (Fransa), “Borussiya” (Dortmund, Almaniya), “Milan” (İtaliya), “Nyukasl” (İngiltərə).
G qrupu: “Mançester Siti” (İngiltərə), “Leypsiq” (Almaniya), “Srvena Zvezda” (Serbiya), “Yanq Boyz” (İsveçrə).
H qrupu: “Barselona” (İspaniya), “Portu” (Portuqaliya), “Şaxtyor” (Donetsk, Ukrayna), “Antverpen” (Belçika).
