Azərbaycan I Liqasında çempionun mükafatlandırılacağı tarix açıqlandı
Futbol üzrə Azərbaycan 1-ci Liqasında 2023/2024-cü illər mövsümünün mükafatlandırma mərasimi keçiriləcək.
Mediasport.az xəbər verir ki, tədbir mayın 23-də baş tutacaq.
Çempion komandaya qızıl medallar və kubok mövsüm ərzində ev oyunlarını keçirdiyi stadionda təqdim olunacaq.
Mükafatlandırma mərasimi məkandan asılı olmayaraq saat 17:00-da başlanacaq.
Qeyd edək ki, sona 1 tur qalmış çempionatda 54 xalla "Şamaxı" liderdir və son matçını evdə keçirəcək.
Ən yaxın ilzəyicisi - hesabında 53 xal olan "Qaradağ Lökbatan" isə Mingəçevir səfərinə yollanacaq.
