Qasımzadə və Mikayılova dünya üçüncüsü oldu, Nəzərov finala çıxdı
Azərbaycan boksçusu Bilalhəbaşi Nəzərov Monteneqronun Budva şəhərində gənclər arasında keçirilən dünya birinciliyində finala yüksəlib.
Mediasport.az xəbər verir ki, 48 kq-da mübarizə aparan milli üzvü yarımfinalda Osman Çadqurla (Mərakeş) qarşılaşıb.
Görüş Nəzərovun 5:0 (30:26, 30:26, 30:26, 29:27, 30:26) hesablı qələbəsi ilə yekunlaşıb. Bilalhəbaşi sabah finalda özbəkistanlı Safyiddin Sabirovla döyüşəcək.
Məhəmmədəli Qasımzadə (60 kq) yarımfinalda Platon Kozlova (Rusiya) 0:5 hesabı ilə məğlub olub və bürünc medal qazanıb.
Aynur Mikayılova (57 kq) da dünya birinciliyini bürünc medalla başa vurub. O, yarımfinalda Pinar Benekə (Türkiyə) 1:4 hesabı ilə uduzub.
Mikayılova bununla da gənc qız boksçular arasında ilk medal qazanan azərbaycanlı kimi tarixə düşüb.
Qeyd edək ki, bu gün daha 2 boksçumuz yarımfinal görüşünə çıxacaq.
