Yeni transfer "Qəbələ" tarixinin 900-cü qolunun müəllifi oldu
"Qəbələ" Azərbaycan 1-ci Liqasının 2-ci turunda "Qaradağ Lökbatan"ı məğlub edib (5:0).
Mediasport.az xəbər verir ki, həmin görüşdə "qırmızı-qaralar"ın tarixində 900-cü qol vurulub.
Yubiley qoluna penalti zərbəsini dəqiq yerinə yetirən nigeriyalı Abdullahi Şuaybu olub.
900 qoldan 643-ü Premyer Liqa, 138-i ölkə kuboku, 77-si I Liqa, 42-si avrokuboklarda qeydə alınıb.
Şuaybunun vurduğu top həm də səfər matçlarında 400-cü olub.
Qəbələ təmsilçisi Premyer Liqada 301, ölkə kubokunda 53, 1-ci Liqada 31, avrokuboklarda 15 dəfə meydan sahiblərinin qapısına yol tapıb.
"Qəbələ"nin tarixində ilk qol 2005-ci il 21 sentyabrda vurulub ("Qəbələ" - "Şərur" 8:0).
