Renat Dadaşovlu "Hatayspor" "Qalatasaray"ı əliboş yola salıb
Azərbaycan yığma komandasının hücumçusu Renat Dadaşovun formasını geyindiyi "Hatayspor" Türkiyə Superliqasında növbəti oyununu keçirib.
Mediasport.az xəbər verir ki, 24 yaşlı forvardımızın komandası 12-ci tur çərçivəsində doğma meydanda son çempion "Qalatasaray"la qarşılaşıb.
Renatın 88 dəqiqə meydanda olduğu matç Hatay təmsilçisinin əzmkar qələbəsilə yekunlaşıb - 2:1.
Volkan Dəmirəlin baş məşqçisi olduğu kollektiv 17 xalla 9-cu pilləyə yüksəlib.
