Aşağı yaş liqalarında yarışan dörd komanda texniki məğlubiyyət aldı
AFFA aşağı yaş liqalarında mübarizə aparan 4 komandaya - "Sabirabad", "Şirvan", "Lokomotiv" və "Laçın"a texniki məğlubiyyət verib.
Mediasport.az xəbər verir ki, U-14 Liqasında çıxış edən "Sabirabad", "Araz-Saatlı" ilə matça gəlmədiyi üçün 0:3 hesablı texniki məğlubiyyətlə cəzalandırılıb.
U-11 Liqasında "Lokomotiv" "Şamaxı" ilə matçda, U-10 Liqasında "Laçın" "Baku Sportinq"lə görüşdə təyin edilən vaxtda meydanda olmadığı üçün cəzaya məruz qalıb.
U-12 Liqasının iştirakçısı "Şirvan" "Aran"la görüş üçün heyətində yetərsay olmadığına görə texniki məğlubiyyət alıb.
