DÇ-də 1/4 final - Xorvatiya Braziliyaya, Niderland Argentinaya qarşı
Dünya Kuboku artıq daha həyəcanlı mərhələyə qədəm qoyur.
mediasport.az xəbər verir ki, bu gün Qətər mundialında 1/4 final görüşlərinə start veriləcək.
Bu mərhələni də uğurla dəf edən yığma komanda artıq DÇ-2022-də azı 4-cü yeri tutmuş sayılacaq ki, dünyanın 4 ən güclü millisindən biri olmaq istənilən halda uğurdur.
İlk öncə meydana son Dünya ikincisi Xorvatiya yığması ilə Braziliya futbolçuları çıxacaqlar. Gecənin matçında Niderland millisinin rəqibi Lionel Messili Argentina yığması olacaq.
1/4 finalın digər 2 qarşılaşması sabah keçiriləcək. Portuqaliya Mərakeş, Fransa isə İngiltərə ilə münasibətlərinə aydınlıq gətirəcək.
Dünya Kuboku-2022. 1/4 final mərhələsi
19:00. Xorvatiya - Braziliya
Baş hakim: Maykl Oliver (İngiltərə)
"Edukeyşn Siti" stadionu
23:00. Niderland - Argentina
Baş hakim: Migel Mateu Laos (İspaniya)
"Lusail" stadionu
