İdmançılarımız Rusiyada keçirilən turniri beş medalla başa vurdular
8-10 noyabrda Rusiyanın paytaxtı Moskvada "Moscow Karate Universe - 2024" beynəlxalq karate yarışı keçirilib.
Mediasport.az xəbər verir ki, şəxsi kumite yarışlarında Teymurova Fidan (-50 kq), Sadıqova Mədinə (-55 kq), Quliyev Əminağa (-60 kq), Hüseyn Məmmədli (-67 kq) bürünc, Heydərov Roman kata üzrə gümüş medal qazanıb.
Karateçilərimiz beynəlxalq yarışa Azərbaycan Karate Federasiyasının vitse-prezidenti Rəhman Hətəmovun və böyüklərdən ibarət yığma komandanın baş məşqçisi Şahin Atamovun rəhbərliyi ilə yollanıb.
Beynəlxalq yarışda 15 ölkədən (Rusiya, Türkiyə, Azərbaycan, Qırğızıstan, Qazaxıstan, Pakistan, Belarusiya, Ermənistan, İtaliya, Bolqarıstan, Venesuela, Tunis, Misir, Özbəkistan və Hindistan) 350-ə yaxın karateçi mübarizə aparıb.
