"Kəpəz"in təlim-məşq toplanışını harada keçirəcəyi dəqiqləşib
!["Kəpəz"in təlim-məşq toplanışını harada keçirəcəyi dəqiqləşib](https://mediasport.az/uploads/images/202312/image_750x_658ab12cc4719.jpg)
"Kəpəz" futbol klubunun Azərbaycan Premyer Liqasının ikinci hissəsinə harada hazırlaşacağı müəyyənləşib.
Klubdan Mediasport.az saytına verilən məlumata görə, qərblilər mövsümün qalan yarısı üçün hazırlığı Gəncədə keçirəcəklər.
"Sarı-göylər" yanvarın 4-də Gəncə şəhər stadionunda bir araya gələcəklər.
Təlim-məşq toplanışı dövründə komanda bir neçə yoxlama oyununda qüvvəsini sınayacaq. Rəqiblərdən ikisi məlumdur - "Qəbələ" və "Araz-Naxçıvan".
Bu komandalarla yoxlama matçları müvafiq olaraq yanvarın 10-u və 15-nə təyin edilib.
Görüşlərin yeri və saatı barədə məlumat qarşıdakı günlərdə veriləcək.