Millimiz B qrupunda Latviya və Estoniya yığmaları ilə qarşılaşacaq
Azərbaycanın 16 yaşadək oğlanlardan ibarət millisi Şərqi Avropa Voleybol Zonal Assosiasiyasının (EEVZA) çempionatında iştirak edəcək.
Mediasport.az xəbər verir ki, yarış noyabrın 27-30-u aralığında Estoniyada keçiriləcək.
Turnirdə ev sahibi ilə yanaşı, Azərbaycan, Latviya, Gürcüstan, Ukrayna və Polşa yığmaları mübarizə aparacaq.
B qrupunda yer alan millimizin rəqibləri Latviya və Estoniya kollektivləridir. U-16 noyabrın 27-də Estoniya, iki gün sonra Latviya ilə görüşəcək.
Qeyd edək ki, yarış AVRO-2025-ə seçmə xarakter daşıyır.
Reqlamentə əsasən, çempion qitə birinciliyinin final mərhələsinə vəsiqə qazanacaq.
