"Neftçi" 500-ə çatsa da...
!["Neftçi" 500-ə çatsa da...](https://mediasport.az/uploads/images/202303/image_750x_640ed26c6e3e4.jpg)
“Neftçi” Azərbaycan çempionatlarında 500-cü qələbəsini qazanıb.
mediasport.az xəbər verir ki, yubiley Premyer Liqanın XXVI turuna təsadüf edib.
“Ağ-qaralar” səfərdə “Şamaxı”nı 1:0 hesabı ilə üstələyiblər. Bakılılar ölkə çempionatındakı 879-cu matçında “500”ə çatıblar. Paytaxt təmsilçisi evdə 276, səfərdə 217, neytral meydanda 7 dəfə qalib gəlib.
Bütün çempionatların iştirakçısı olan “Neftçi” ilk qələbəsini 1992-ci il mayın 8-də Sumqayıt “Xəzər”i ilə qarşılaşmada qazanıb - 1:0. “Neftçi” qələbə sayında yalnız “Qarabağ”dan geri qalır. Rekordçu olan ağdamlılar 505 dəfə rəqibini məğlub edib.