Azərbaycan yığmasının futbolçusu Albaniya Superkubokunu qazandı
Albaniya Superkubokunun qalibi müəyyənləşib.
Mediasport.az xəbər verir ki, final matçında Azərbaycan yığmasının üzvü Zamiq Əliyevin formasını geyindiyi "Eqnatia" ilə "Kukesi" qarşılaşıb.
Müdafiəçimizin komandası 2:0 hesablı qələbə ilə baş mükafata sahib çıxıb.
Zamiq oyunu ehtiyat skamyadan izləyib.
Qeyd edək ki, "Eqnatia" 2023/2024 mövsümündə həm Albaniya çempionu olub, həm də ölkə kubokunu qazanıb.
