"Paris-2024" Azərbaycanda ilk dəfə bu kanalda canlı yayımlanacaq
Avqustun 28-dən sentyabrın 8-nə kimi Fransanın paytaxtı Parisdə Yay Paralimpiya Oyunları keçiriləcək.
Mediasport.az xəbər verir ki, idmançılarımızın bütün çıxışları İctimai Televiziya vasitəsilə canlı yayımlanacaq.
26 iyuldan 11 avqusta qədər keçirilən 33-cü Yay Olimpiya Oyunları da sözügedən telekanal vasitəsilə canlı yayımlanmışdı.
Xatırladaq ki, 4-illiyin zirvə yarışına 48 idmançı ilə yollanan ölkəmiz aktivinə 7 medal yazdırıb (2 qızıl, 2 gümüş, 3 bürünc).
