"Qarabağ" - "Qalatasaray" oyununa biletlərin satış qiyməti açıqlandı
“Qarabağ” və Türkiyənin “Qalatasaray” futbol komandaları arasında keçiriləcək yoldaşlıq oyununun biletlərinin satışa çıxarılacağı tarix açıqlanıb.
mediasport.az xəbər verir ki, matçın biletləri martın 16-da saat 11:00-dan etibarən satışda olacaq.
Biletlərin qiyməti müvafiq olaraq 3, 5, 30, 50 və 100 manat təşkil edəcək.
Biletləri Tofiq Bəhramov adına Respublika Stadionunun kassaları, “iticket.az”ın satış məntəqələri, “Park Bulvar”da yerləşən “Qarabağ”ın fan-şopu və “iticket.az”dan əldə etmək mümkündür.
Martın 26-da Bakı Olimpiya Stadionunda oynanılacaq "Qarabağ" - "Qalatasaray" görüşü saat 20:00-da başlayacaq. Qarşılaşmadan əldə olunacaq gəlir Türkiyədə baş vermiş zəlzələdən əziyyət çəkənlərə yardım üçün ayrılan fondun hesabına yatırılacaq.
