UEFA azarkeşlər arasında sorğu keçirdi: 84 faiz "Qarabağ" dedi
Avrokuboklardakı yeganə təmsilçimiz "Qarabağ" sabah qitənin 2-ci dərəcəli klub turniri olan Avropa Liqasında növbəti oyununu keçirəcək.
Mediasport.az xəbər verir ki, Ağdam təmsilçisi doğma azarkeşlər önündə "Malmö"nü sınağa çəkəcək.
UEFA-nın rəsmi saytında yer alan sorğuda azarkeşlər "köhlən atlar"ın meydandan 3 xalla ayrılacağını təxmin edirlər.
Bu məqamda statistik göstərici 84 faizə bərabərdir. "Malmö"nün qazanacağına inananların sayı isə 13 faizdir.
Xatırladaq ki, "Qarabağ" - "Malmö" matçı sabah 20:45-də Tofiq Bəhramov adına stadionda keçiriləcək.
