Millətlər Liqasında püşk atılır
Bu gün UEFA Millətlər Liqasında 1/4, 1/2 və pley-off mərhələsinin püşkü atılacaq.
Mediasport.az xəbər verir ki, İsveçrənin Nyon şəhərində keçiriləcək mərasim Bakı vaxtı ilə saat 15:00-da başlanacaq.
B Liqasında qrupu ikinci sırada başa vuran Türkiyə millisinin də A Liqasına yüksəlmək uğrunda pley-off rəqibi müəyyənləşəcək.
Vinçenso Montelanın komandası Şotlandiya, Belçika, Macarıstan və ya Serbiyaya rəqib olacaq.
1/4 və pley-off qarşılaşmaları gələn ilin martında keçiriləcək.
İyunun 4-5-də 1/2, iyunun 8-də 3-cü yer və final uğrunda oyunlar baş tutacaq.
UEFA Millətlər Liqası
1/4 finala yüksələnlər: Almaniya, Niderland, Portuqaliya, Fransa, İspaniya - İtaliya, Xorvatiya, Danimarka;
Pley-off-da oynayanlar A/B: Belçika, Şotlandiya, Macarıstan, Serbiya - Yunanıstan, Türkiyə, Ukrayna, Avstriya;
Pley-off B/C: Gürcüstan, İrlandiya, İslandiya, Sloveniya - Ermənistan, Bolqarıstan, Slovakiya, Kosovo;
Pley-off C/D: Latviya, Lüksemburq - Cəbəllütariq, Malta.
