"Sabah hər komponentdə diqqətli olmalıyıq" - Qurban Qurbanov
"Qarabağ"ın baş məşqçisi Qurban Qurbanov UEFA Avropa Liqasının əsas mərhələsinin "Budö Qlimt"lə 4-cü tur matçından əvvəl keçirilən mətbuatı konfransında iştirak edib.
Mediasport.az xəbər verir ki, mütəxəssis sabahkı oyun haqda düşüncələrini bölüşüb.
Q.Qurbanpv deyib ki, rəqibin özünəməxsus oyun üslubu var:
"Son vaxtlar oynadığımız komandalar içində ən intizamlısına qarşı oynayacağıq. Meydandakı bütün futblçular yerli, norveçli oyunçulardır. Norveçin milli və klublarının səviyyəsindən görünür ki, bu ölkədə futbol son illərdə inkişaf edib, irəliləyib və bunun davamını görürük. Rəqibin özünə xas oyun sistemi var.
Sabahkı oyunda üstün olmaq üçün hər kompenentdə diqqətli olmalıyıq. Rəqibin üstün cəhətləri çoxdur, meydança və son oyunlar baxımından. İnanıram ki, futbolçularım yaxşı nəticə üçün meydanda hər şeyi edəcəklər. Hər iki komandaya uğurlar".
Xatırladq ki, sabah Norveçdə reallaşacaq qarşılaşma Bakı vaxtilə saat 21:45-d başlanacaq.
