Məmmədyarov irəliləyib, Teymur Rəcəbov mövqeyini qoruyub
![Məmmədyarov irəliləyib, Teymur Rəcəbov mövqeyini qoruyub](https://mediasport.az/uploads/images/202311/image_750x_6541f3c76012b.jpg)
Beynəlxalq Şahmat Federasiyası (FİDE) noyabr ayı üçün reytinq cədvəlini açıqlayıb.
Mediasport.az xəbər verir ki, Azərbaycan şahmatçılarından ən yaxşı göstəriciyə malik Teymur Rəcəbovun mövqeyi dəyişməyib.
36 yaşlı qrosmeyster 2745 xalla 14-cü pillədə qərarlaşıb.
Şəhriyar Məmmədyarov (2734) 1 pillə irəliləyərək, 16-cı sıraya yüksəlib. Bakıdakı Dünya Kubokunda 4-cü yeri tutan Nicat Abasov (2679) isə 5 pillə yüksələrək 53-cü yerə qalxıb. 2644 xalı olan Rauf Hüseynov 99-cudur.
Siyahıya norveçli Maqnus Karlsen (2829) başçılıq edir. İkinci pillədə ABŞ təmsilçi Fabiano Karuana (2795), üçüncü sırada çinli Din Liren (2780) yer alıb.
Qadın şahmatçılardan Günay Məmmədzadə (2441) 29-cu pilləyə yüksəlib. Ülviyyə Fətəliyeva (2395) 57-ci, Gövhər Beydullayeva (2383) 68-ci, Gülnar Məmmədova (2350) isə 94-cüdür.