Veteran güləşçimiz Yunanıstanda dünya çempionu tituluna yiyələnib
![Veteran güləşçimiz Yunanıstanda dünya çempionu tituluna yiyələnib](https://mediasport.az/uploads/images/202310/image_750x_653582c1698e1.jpg)
Yunanıstanın Lutraki şəhərində veteranlar arasında güləş üzrə dünya çempionatı keçirilib.
Federasiyadan Mediasport.az saytına verilən məlumata görə, ölkəmizi sərbəst güləşdə Cəlal Süleymanov (62 kq), yunan-Roma güləşində isə Xalid Cəfərov (70 kq) və Elgiz Məmmədov (88 kq) təmsil ediblər.
Cəlal Süleymanov qazaxıstanlı Medet Raximbay (tuş), yaponiyalı Ken Kikuçi (5:0) və amerikalı Benjamin Kyara (4:1) qalib gələrək dünya çempionu olub.
Xalid Cəfərov amerikalı Ceyms Ferqusona (9:1) tam üstünlüklə qalib gəsə də, yarımfinalda serbiyalı Milan Mariçə uduzub – 0:8. Cəfərov İsveçli Karl Qranbomu minimal fərqlə məğlub edərək (6:5) bürünc medala sahib çıxıb.
Elgiz Məmmədov rusiyalı Şamil Abulmuslimov (9:0), qazaxıstanlı Bakitjan Nuradinov (tuş) və amerikalı Kayl de Berrini (10:2) vaxtından əvvəl məyus edib. Həlledici görüşdə bolqarıstanlı Plamen Palevə 3:8 hesabıyla uduzan Məmmədov ardıcıl 2-ci dəfə dünya ikincisi olub.
Beləliklə, güləşçilərimiz mundialda bir dəst medal qazanıblar.
Qeyd edək ki, DÇ-də hakimlərimizdən Xəyal Əliyev, Sevinc Yusibova və Eldar Bayramov ədaləti qoruyub.