"Zirə"nin 1/8 finalda rəqibi "Şamaxı" olacaq - Azərbaycan Kuboku
Azərbaycan Kuboku yarışlarının 1/8 finalının daha dörd cütü müəyyənləşib.
Mediasport.az xəbər verir ki, 2-ci raundda “Zaqatala”nı 1:0 hesabı ilə məğlub edən “Mingəçevir” “Araz-Naxçıvan”a rəqib olub.
Matç Naxçıvan təmsilçisinin meydanında keçiriləcək.
“Şəmkir”i mübarizədən kənarlaşdıran (6:1) “Şamaxı” 1/8 finalda “Zirə” ilə görüşəcək. Qarşılaşma Bakı təmsilçisinin meydanında baş tutacaq.
“Karvan”a 3 cavabsız qol vuran “Qaradağ Lökbatan” “Səbail”ilə üz-üzə gələcək. Paytaxt derbisinə 1-ci Liqa təmsilçisi ev sahibliyi edəcək.
"Şəfa"nı əlavə vaxtda üstələyən "Difai Ağsu" komandasının 1/8 final rəqibi isə "Neftçi" olacaq.
Xatırladaq ki, 1/8 final matçları dekabrın 3-4-də oynanılacaq.
Mərhələnin əvvəlki matçlarından sonra 1/8 finalın daha iki cütü məlum olmuşdu: "Sumqayıt” - MOİK və “Turan Tovuz” - “Sabah”.
