"Zirə"nin Konfrans Liqası oyununun biletləri sabah satışa çıxarılacaq
Avropa Konfrans Liqasının 2-ci təsnifat mərhələsi çərçivəsində baş tutacaq “Zirə” - “DAK-1904” (Slovakiya) oyununun biletləri satışa çıxarılır.
Mediasport.az xəbər verir ki, azarkeşlər biletləri iyulun 23-də, saat 10:00-dan etibarən əldə edə bilərlər.
Sektorlara müvafiq 2, 5, 10 və 20 manat olacaq biletlər Zirə İdman Kompleksi, “Dalğa Arena” və Tofiq Bəhramov adına Respublika stadionunun kassalarında satılacaq.
Görüş iyulun 25-də Bakıda, "Dalğa Arena"da keçiriləcək və saat 20:00-da başlanacaq.
Cavab qarşılaşması 1 həftə sonra Slovakiyada olacaq.
