"Araz-Naxçıvan"ın bütün legionerləri geri qayıtdılar
“Araz-Naxçıvan” təlim-məşq toplanışını davam etdirir.
Mediasport.az xəbər verir ki, komandanın hazırlıq prosesində bu gündən tam heyət iştirak edir, legionerlərin hamısı düşərgəyə qoşulublar.
Yanvarın 12-dək davam edəcək hazırlıq prosesi zamanı futbolçular gün ərzində 2 məşq keçəcəklər. Səhər fitnes zalda çalışacaq komanda üzvləri ikinci hazırlığı stadionda reallaşdıracaq.
Qeyd edək ki, komanda hazırlıq prosesi çərçivəsində 2 yoxlama oyunu keçirəcək.
Yanvarın 9-da, saat 15:00-da “Kapital Bank Arena”da “Sumqayıt”la üz-üzə gələcək “qırmızı-ağlar” 2 gün sonra “Səbail”lə gücünü sınayacaq.
İkinci matçın məkanı və başlama saatı barədə əlavə məlumat veriləcək.
