AVRO-2024: Almaniya milli komandasının heyəti açıqlanıb
![AVRO-2024: Almaniya milli komandasının heyəti açıqlanıb](https://mediasport.az/uploads/images/202405/image_750x_66465c1db140b.jpg)
Futbol üzrə Almaniya milli komandasının yayda evsahibliyi edəcəyi Avropa çempionatı üçün heyəti açıqlanıb.
Mediasport.az xəbər verir ki, baş məşqçi Yulian Nagelsmann yığmaya 27 oyunçu dəvət edib.
UEFA-nın yeni reqlamentinə əsasən, yekun siyahıda 26 futbolçu olacağından qarşıdakı günlərdə bir nəfərin adı heyətdən çıxarılacaq.
Qitə birinciliyi iyunun 14-dən iyulun 14-dək keçiriləcək.
A qrupunda yer alan Bundestimin rəqibləri Macarıstan, Şotlandiya və İsveçrə futbolçuları olacaqlar.
Qapıçılar: Oliver Bauman (“Hoffenhaym”), Manuel Noyer (“Bavariya”), Aleksandr Nübel ("Ştuttqart"), Andre Ter Ştegen ("Barselona", İspaniya);
Müdafiəçilər: Valdamer Anton, Maksimilian Mittelştadt ("Ştuttqart"), Benjamin Henriks ("Leypsiq”), Yozua Kimmix ("Bavariya"), Robin Kox ("Ayntraxt"), David Raum ("Leypsiq"), Antonio Rüdiger ("Real” M., İspaniya), Niko Şlotterbek, ("Borussiya" D.), Conatan Ta ("Bayer");
Yarımmüdafiəçilər: Robert Andrix ("Bayer"), Kris Fyürix ("Ştuttqart"), Paskal Qros ("Brayton", İngiltərə), İlkay Gündoğan ("Barselona", İspaniya), Toni Kroos, Camal Musiala, Aleksandr Pavloviç, Leroy Sane (hamısı "Bavariya"), Florian Virts ("Bayer");
Hücumçular: Maksimilian Bayer (“Hoffenhaym”), Niklas Füllkruq ("Borussiya" D.), Kay Haverts ("Arsenal", İngiltərə), Tomas Müller ("Bavariya"), Deniz Undav ("Ştuttqart").