İspaniya millisi tarixində dördüncü dəfə Avropa çempionu oldu!
Almaniyada keçirilən futbol üzrə Avropa çempionatına yekun vurulub.
Mediasport.az xəbər verir ki, tarixdə 17-ci dəfə təşkil edilən qitə birinciliyinin ən güclüsü adı uğrunda İngiltərə və İspaniya milliləri yarışıblar.
Heç vaxt Avropa çempionu olmayan Britaniya təmsilçiləri yarışın 3-qat qalibi olan pireneylilərlə dueldə tilsimi qırmağa çalışsalar da, tapşırığın öhdəsindən gələ bilməyiblər.
Xatırladaq ki, Qaret Sautgeytin rəhbərlik etdiyi ingilislər 2021-ci ildə ümumilikdə 11 ölkədə keçirilmiş son Avropa çempionatının finalında da İtaliya yığmasına penaltilər seriyasında məğlub olmuşdular.
Avropa çempionatı. Final
İspaniya - İngiltərə 2:1
Qollar: Niko Uilyams, 47, Mikel Oyarsabal, 86 - Kol Palmer, 73.
Baş hakim: Fransua Leteksye (Fransa)
Yan xətt hakimləri: Siril Münye, Mehdi Rahmoni (Fransa)
Dördüncü hakim: Şimon Marçinyak (Polşa)
VAR hakimi: Jerom Brisar (Fransa)
AVAR hakimləri: Villi Delayo (Fransa), Massimiliano İrrati (İtaliya)
Berlin. Olimpiya stadionu
